پنجاب میں انسداد پولیو مہم کا آج پانچواں روز ہے، انسداد پولیو ٹیمیں گھر گھر جا کر قطرے پلانے میں مصروف ہیں۔
پہلے چار روز میں 1 کروڑ 64 لاکھ سے زائد بچوں کو قطرے پلائے گئے، لاہور میں 12 لاکھ بچوں کو قطرے پلائے گئے، راولپنڈی میں 5 لاکھ 82 ہزار بچوں کو قطرے پلائے گئے۔
انسداد پولیو پروگرام کے سربراہ عدیل تصور کا کہنا ہے 33 اضلاع میں آج مہم کا آخری روز ہے، آخری روز ویکسین سے محروم بچوں کو قطرے پلائے جا رہے ہیں، ترجیحی آبادی، مہمان، نومولود بچوں کو قطرے پلانا ترجیح ہے، لاہور، راولپنڈی اور فیصل آباد میں کیچ اپ کا آغاز کل سے ہو گا۔
عدیل تصور کا کہنا تھا پولیو کے خلاف جیت پوری دنیا کے لئے اہم ہے، پولیو کا خاتمہ نہ کیا گیا تو وائرس پوری دنیا میں پھیل سکتا ہے، پولیو ٹیمیں وائرس کے خاتمے میں اہم کردار ادا کر رہی ہیں، اہم گزرگاہوں پر پولیو ٹیمیں الرٹ رہیں، مہم وائرس کے پھیلاؤ کو روکنے میں مدد گار ثابت ہو گی۔
انسداد پولیو پروگرام کے سربراہ عدیل تصور کا مزید کہنا تھا پولیو کا خاتمہ حکومت اور محکمہ صحت کی اولین ترجیح ہے، پولیو مہم کی مانیٹرنگ کے لئے ٹیمیں تشکیل دی گئی ہیں، والدین پولیو ٹیموں سے بھرپور تعاون کریں۔
