لاہور: ایشین ہاکی چیمپئنز ٹرافی کیلئے قومی ٹیم کے ہیڈکوچ طاہر زمان کل (ہفتہ)کو ٹیم کوجوائن کریں گے۔تفصیلات کے مطابق ایشین ہاکی چیمپئنز ٹرافی کا آغاز اتوار سے چین میں ہوگا، روانگی سے پہلے طاہر زمان نے قومی ٹیم کی کوچنگ کو ایک مشکل ٹاسک قرار دے دیا ہے۔انہوں نے کہا کہ شارٹ ٹرم طریقہ کوئی نہیں لیکن لانگ ٹرم پلاننگ کے ساتھ مل کر قومی کھیل کو درست سمت میں گامزن کریں گے۔
نئے ہیڈکوچ طاہر زمان نے کہا کہ اس میں کوئی شک نہیں کہ لڑکوں میں ٹیلنٹ کی کمی نہیں، رائٹ ڈائریکیشن کے ساتھ ہمیں نیشنل سطح پر ایک ہائی پرفارمنس سینٹر بنانا ہوگا۔پاکستان ہاکی کو اپنے پاں پر کھڑا کرنے کیلئے حکومتی سرپرستی کے ساتھ پرائیوٹ اسپانسرز کی بھی پہلے سے زیادہ ضرورت ہے۔
