معروف گلوکارہ آئمہ بیگ نے کہا ہے کہ اگر مجھے اپنے والد کی سپورٹ نہ ہوتی تو شاید میں گلوکارہ نہ بن سکتی،والدہ کی نسبت والد نے گائیکی میں بھرپورحوصلہ افزائی کی۔ آئمہ بیگ نے ایک انٹرویو میں گفتگوکرتے ہوئے بتایا کہ سوشل میڈیا پر متحرک رہنے سے ہی پرستاروں کو ایک فنکار کے بارے میں بروقت معلومات ملتی رہتی ہیں،میں سوشل میڈیا کے غلط استعمال کو پسند نہیں کرتی۔
معروف گلوکارہ نے کہا کہ میں ایک بڑی گلوکارہ کے طور پر اپنا نام اورمقام بنانا چاہتی ہوں، میرا سفر ابھی ادھورا ہے اور اس کی تکمیل کے لئے میں بھرپور محنت کر رہی ہوں۔
آئمہ بیگ نے مزید کہا کہ اس وقت میری توجہ صرف گلوکاری کی طرف مرکوز ہے اور شاید یہی میری پہلی ترجیح ہے، میں بھرپور جذبے اورلگن سے کام کر رہی ہوں۔
