بالی ووڈ اداکار اکشے کھنہ نے انکشاف کیاہے کہ فلم”تارے زمین پر”میں عامرخان سے پہلے مجھے چناگیا تھا۔ بھارتی میڈیا کے مطابق 2007ء کی مشہور فلم”تارے زمین پر”کے حوالے سے اکشے کھنہ نے ایک انٹرویو میں دعویٰ کیا ہے کہ اس فلم میں ٹیچر رام شنکر نیکمبھ کے کردار کے لیے پہلے اُنہیں چنا گیا تھا۔ اکشے کھنہ نے کہا کہ فلم ساز امول گپتا ذاتی طور پر مجھے نہیں جانتے تھے، انہوں نے جب اس فلم کے ہدایت کار عامر خان سے میرے حوالے سے بات کی کہ بہتر ہوگا کہ تم فلم “دل چاہتا ہے”میں اہم کردار نبھانے والے اپنے دوست اکشے سے ٹیچر رام شنکر نیکمبھ کے کردار کے لیے بات کرو جس پر عامر خان نے امول سے کہا جب تک مجھے خود کردار کے حوالے سے پتہ نہیں ہوگا، میں آگے کیسے بتاؤں گا۔
اکشے کھنہ نے کہا کہ فلم ساز امول سے کردار سننے کے بعد عامر خان کو کردار پسند آگیا اور انہوں اس کردار کے لیے فوراً حامی بھر لی۔
انٹرویو میں اکشے کھنہ نے کہا کہ کچھ دن بعد وہ ایک فلم اسٹوڈیو میں کام کر رہے تھے اور وہیں عامرخان بھی کسی فلم کی شوٹنگ میں مصروف تھے، میری عامرخان سے ہیلو ہائی ہوئی تو عامرخان نے مجھے خود قصہ سنایا کہ میں نے امول کو تم تک نہیں پہنچنے دیا کیونکہ یہ فلم مجھے کرنی تھی جس پر میں نے عامر سے کہا کوئی مسئلے کی بات نہیں۔ اکشے کھنہ نے مزید کہا کہ وہ فلم بہت اچھی تھی لیکن اس میں نہ ہونے کا مجھے کوئی پچھتاوا نہیں ہے۔
