بھارتی خوبرو اداکارہ رشمیکا مندانا نے جم انجری کے باعث سلمان خان اور وکی کوشل کی فلموں کی شوٹنگ عارضی طور پر روک دی۔
رشمیکا مندانا فلم اینمل اور پشپا 2 کی باکس آفس پر شاندار کامیابی کے بعد شہرت کی بلندیوں پر ہیں، اُن کی آئندہ فلموں میں سلمان خان کی سکندر اور وکی کوشل کے ساتھ چھاوا شامل ہیں۔
28 سالہ رشمیکا مندانا چند روز قبل بدقسمتی سے جم میں انجری کا شکار ہوگئیں، جس کی وجہ سے ان کی زیر تکمیل 3 بڑی فلموں کی کاسٹ اور انتظامیہ کو شوٹنگ شیدول میں عارضی وقفہ کرنا پڑگیا ہے۔
سلمان خان کے ساتھ وہ فلم سکندر میں مرکزی کردار نبھارہی ہیں، جس کے آخری حصے کی جنوری میں شوٹنگ شیڈول تھی کیونکہ فلم نے مارچ میں ریلیز ہونا ہے۔
اداکارہ کے قریبی ذرائع نے تصدیق کی کہ رشمیکا کو جم میں چوٹ آئی، وہ آرام کر رہی ہے اور روبصحت ہیں، اُن کے مصروف شوٹنگ شیڈول میں فی الحال عارضی وقفہ آیا ہے۔
ذرائع نے مزید کہا کہ اداکارہ اب پہلے کے مقابلے میں بہت بہتر محسوس کر رہی ہیں، وہ جلد ہی سیٹ پر دوبارہ کام شروع کردیں گی۔
ذرائع کے مطابق رشمیکا مندانا کے ڈاکٹر نے اُن کے مصروف شوٹنگ شیڈول کی انجام دہی کےلیے فی الحال مکمل صحت یابی کےلیے مختصر وقفہ لینے کا مشورہ دیا ہے۔
اداکارہ کی انجری کی خبر سامنے آنے پر مداحوں کی بڑی تعداد تشویش کا شکار ہوگئی، تاہم اب صحت یابی اور جلد ایکشن میں آنے کی یقین دہانی آئی ہے۔
