کراچی: عالمی مارکیٹ میں سونے کی قیمتوں میں مسلسل اضافے کے باعث پاکستان میں بھی سونے کے نرخ تاریخ کی بلند ترین سطح پر پہنچ گئے ہیں
بین الاقوامی مارکیٹ میں فی اونس سونے کی قیمت ایک ڈالر اضافے کیساتھ پہلی بار 2904 ڈالر ہوگئی جبکہ پاکستان میں فی تولہ سونے کی قیمت میں ایک سو روپے اور دس گرام سونے کی قیمت میں 86 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 3 ہزار ایک سو روپے اور دس گرام سونے کی قیمت 2 لاکھ 59 ہزار 859 روپے کی بلند ترین سطح پرپہنچ گئی۔
