بھارتی فلم “پشپا” کے اداکار دالی دھننجیاشادی کے بندھن میں بندھ گئے۔ بھارتی اداکار و پروڈیوسر نے سماجی رابطے کی ویب سائٹ ایکس پر اپنی شادی کی تقریبات پر مشتمل ویڈیو شیئر کرکے اپنی شادی کااعلان کیاہے۔ بھارتی میڈیا کے مطابق اداکار نے اپنی دیرینہ گرل فرینڈ ڈاکٹر دھنیاتھا گوراکلر سے شادی کی ہے۔
اداکار نے اپنی شادی کے موقع پر روایتی آف وائٹ اور سُنہری ویشتی اور کُرتا پہنا جبکہ ان کی دلہن نے سرخ بارڈر والی خوب صورت سنہری ساڑھی زیب تن کی۔
شادی کی مختصر تقریب کی ویڈیو اداکار نے سوشل میڈیا پر شیئر کی ہے جس کے بعد ساتھی فنکاروں اور مداحوں کی جانب سے مبارک باد کا سلسلہ شروع ہو گیا ہے۔
اداکار دالی دھننجیا سوکمار کی ہدایت کاری میں بننے والی فلم “پشپا” کے دونوں سیکوئلز میں دکھائی دیئے تھے جبکہ اس فلم میں مرکزی کرداراداکار الو ارجن اور رشمیکا مندانا نے ادا کیا ہے۔
