مدینہ منورہ: رمضان کے پہلے ہفتے کے دوران مدینہ منورہ کے صحت خدمات کے ادارے نے مختلف قومیتوں سے تعلق رکھنے والے 11 ہزار 212 زائرین کو مسجد نبوی کے قریب ہسپتالوں اور صحت مراکز میں طبی خدمات فراہم کی ہیں۔
ایس پی اے کے مطابق مدینہ منورہ کے السلام ہسپتال نے 65 مختلف قومیتوں کے 3 ہزار 971، الحرم ہسپتال نے 2 ہزار 662، الصافیہ ہنگامی طبی امداد کے مرکز نے 3 ہزار456 اور باب جبریل مرکز نے ایک ہزار 159 زائرین کو رمضان کے آغاز سے اب تک خدمات فراہم کی ہیں۔
مسجد نبوی کے صحن سے 91 ہنگامی نوعیت کے کیسز گولف کارٹس، ایمبولینس سکوٹر کے ذریعے ہیلتھ کیئر مراکز میں منتقل کیے گئے۔یاد رہے کہ صحت خدمات کے ادارے کی جانب سے مسجد نبوی میں زائرین کو بروقت طبی امداد فراہم کرنے کے لیے ایمبولینس سکوٹر سروس متعارف کرائی گئی ہے۔
مدینہ منورہ میں رمضان کے پہلے ہفتے کے دوران 11 ہزار زائرین کو طبی خدمات
