صوبائی سیکرٹری صحت پنجاب نادیہ ثاقب نے کہا ہے کہ میننجائٹس ویکسین کی اوور چارجنگ کو برداشت نہیں کیا جائے گا۔
گردن توڑ بخار کی ویکسین کی قلت کے معاملے پر صوبائی وزیر صحت خواجہ عمران نذیر ان ایکشن ہو گئے، میننجائٹس ویکسین کی 16 ہزار وائلز جلد لاہور پہنچ جائیں گی۔
صوبائی سیکرٹری صحت پنجاب نادیہ ثاقب کا کہنا ہے کہ گردن توڑ بخار کی ویکسین کی دستیابی کیلئے ڈرگ کنٹرول ونگ کو متحرک کر دیا گیا، فائزر کمپنی سے وافر سٹاک منگوانے کی ہدایات بھی کر دی گئی ہیں، میننجائٹس ویکسین کی مارکیٹ میں کنٹرول ریٹ پر دستیابی کو مانیٹر کیا جا رہا ہے۔
انہوں نے کہا میننجائٹس ویکسین کے حوالے سے اوور چارجنگ کو بالکل برداشت نہیں کیا جائے گا، چیف ڈرگ کنٹرولر سمیت تمام اضلاع کے ڈرگ انسپکٹرز کو سختی سے اصل قیمت پر فروخت کرنے کو یقینی بنانے کی ہدایات کر دیں۔
