اسلام آباد: وزیراعظم سے ایس سی او کے سیکریٹری جنرل جناب ڑانگ منگ کی ملاقات ہوئی جس میں ایس سی او کونسل آف ہیڈز آف گورنمنٹ چیئر کے طور پر پاکستان کے قائدانہ کردار پر اطمینان کا اظہار کیا گیا۔
وزیر اعظم محمد شہباز شریف سے شنگھائی تعاون تنظیم کے سیکریٹری جنرل جناب ڑانگ منگ نے وزیراعظم ہاو¿س اسلام آباد میں ملاقات کی۔ جناب ڑانگ منگ شنگھائی تعاون تنظیم کے سربراہان حکومت (سی ایچ جی) کے اجلاس میں شرکت کے لیے اسلام آباد تشریف لائے۔
سیکریٹری جنرل شنگھائی تعاون تنظیم کے جولائی 2022 کے دورہءپاکستان کا ذکر کرتے ہوئے وزیر اعظم نے اسلام آباد میں سیکریٹری جنرل کا خیرمقدم کیا اور شنگھائی تعاون تنظیم کونسل آف ہیڈز آف گورنمنٹ اجلاس کے انعقاد میں شنگھائی تعاون تنظیم سیکریٹریٹ کی طرف سے پاکستان کو فراہم کیے جانے والے تعاون پر ان کا شکریہ ادا کیا۔
شنگھائی تعاون تنظیم کے چارٹر کے تئیں پاکستان کے عزم کا اعادہ کرتے ہوئے، وزیر اعظم نے سیکریٹری جنرل کو یقین دلایا کہ شنگھائی تعاون تنظیم کے رکن کی حیثیت سے، پاکستان رکن ممالک اور خطے کے وسیع تر مفاد کے لیے تنظیم کی ترقیاتی ترجیحات کے فروغ کے لیے تہہ دل سے کام کرتا رہے گا۔
انہوں نے مزید کہا کہ پاکستان ایس سی او رکن ممالک کے ساتھ تنظیم کو مزید مو¿ثر اور مضبوط بنانے کے لیے کام کرتا رہے گا۔جناب منگ نے وزیر اعظم کو شنگھائی تعاون تنظیم کونسل آف ہیڈز آف گورنمنٹ اجلاس کے کامیاب انعقاد اور اس کے مثبت نتائج پر مبارکباد دی۔ انہوں نے ایس سی او کے تمام شعبوں میں پاکستان کی تعمیری شراکت کو بھی سراہا۔
