پنجگور میں نامعلوم مسلح ملزمان کی فائرنگ کے نتیجے میں 5 افراد جاں بحق اور 2 زخمی ہوگئے۔
صوبائی حکومت کے ترجمان شاہد رند نے تصدیق کرتے ہوئے بتایا کہ پنجگورکے علاقے پروم میں ڈیم کی دیکھ بھال پرمامور مقامی افراد پر فائرنگ کی گئی، پانچوں افراد تعمیراتی کام کر رہے تھے ، ملزمان نے مشینری کو آگ بھی لگا دی۔
ترجمان کے مطابق جاں بحق افراد کی میتیں ٹیچنگ اسپتال پنجگورمنتقل کرکے واقعے کی تحقیقات شروع کر دی گئی ہے۔
