پہیلیاں اور ان کے جوابات

1۔رہتی ہے وہ ڈھیلی ڈھالی
لچک دار وہ بہت متوالی
تن کر جب وہ زور دکھائے
روڑے ،پتھر خوب برسائے

جواب
غلیل

2 ۔کھانے کی چیز نہیں وہ
پھر بھی اکثر کھاتے لوگ
وزن اس کا کچھ نہیں پھر بھی
بھار اس کا اٹھاتے لوگ

جواب
قسم

3۔دریا ہو یا بہتی دھار
چلّو میں آئے کئی ہزار

جواب
پانی کے قطرے

4۔ درخت پر لگی لکڑی کی ڈبیہ
ہاتھ میں وہ جس کے آئے
توڑ کر جب ڈبیہ کھولے
اس میں رکھا میوہ کھائے

جواب
اخروٹ

5۔صورت میں ہے وہ جیسا
پہنے چولا بالکل ویسا
سال بعد بدلے اپنا لباس
کوئی نہ پھٹکے اس کے پاس

جواب
سانپ کی کینچلی