تازہ ترین تحقیق میں سائنس دانوں نے ایک ’سوئچ‘ دریافت کیا ہے جو کینسر سے متاثر خلیوں کو واپس صحت مند حالت میں لا سکتا ہے۔
جنوبی کوریا کے محققین نے مطالعے میں مالیکیولر سطح پر خلیوں کو فعال کیا اور کینسر زدہ خلیوں کو واپس صحت مند حالت میں واپس لائے۔
ماضی میں میموریل سلوان کیٹرنگ کینسر سینٹر سے تعلق رکھنے والی ریٹائرڈ اونکولوجسٹ ڈاکٹر ٹِفنی ٹروسو-سینڈوول (جو اس تحقیق میں شامل نہیں تھیں) کا کہنا تھا کہ تحقیق کے نتائج کینسر خلیوں کو ختم کرنے کے بجائے ان کی ری وائرنگ کر کے کینسر کے علاج کو ایک نیا طریقہ فراہم کرتے ہیں۔
ان کا کہنا تھا کہ اس ہائبرڈ طریقے کو بہتر انداز میں سمجھنا ہے تو آپ 100 ڈگری سیلسیئس پر ابلتے پانی کے متعلق سوچ سکتے ہیں۔ یعنی ایک بہت مختصر سا لمحہ ہوتا ہے جب پانی نا تو مکمل طور پر مائع ہوتا ہے نہ ہی بھانپ ہوتا ہے۔ اس ہی طرح جب کینسر پنپ رہا ہوتا ہے تو ایک وقت ایسا آتا ہے جب خلیے بیک وقت صحت مند اور کینسر زدہ ہوتے ہیں۔
روایتی علاج میں کینسر زدہ خلیوں کو سرجری یا تابکاری یا کیموتھراپی کے ذریعے ختم کرنے پر توجہ کی جاتی ہے۔
لیکن نئی تحقیق میں ایک تیسرے طریقے سے کینسر کے مریض صحت مند خلیے دوبارہ حاصل کر سکتے ہیں۔
