ریڈیو ڈے ہر سال 13 فروری کو منایا جاتا ہے۔ لیکن کیا آپ جانتے ہیں کہ اس دن ریڈیو کا عالمی دن کیوں منایا جاتا ہےاگر نہیں، تو آئیے، ریڈیو کی تاریخ اور اس سے جڑی معلومات جانتے ہیں۔
حالانکہ ڈیجیٹل دور میں ریڈیو کی اہمیت کم ہو گئی ہے۔ آج کل تو بہت کم گھروں میں ریڈیو دیکھا جاتا ہے لیکن ایک وقت تھا جب ہر گھر میں ریڈیو ہوا کرتا تھا اور لوگ صبح اٹھ کر پہلے اس پر خبریں سنتے تھے اور پھر گانوں سے لطف اندوز ہوتے تھے۔ اگرچہ آج ریڈیو کی جگہ اسمارٹ فونز اور انٹرنیٹ نے لے لی ہے، لیکن یہ ایک ایسا ذریعہ رہا ہے جس نے دنیا بھر کے لوگوں کو جوڑنے، معلومات اور تفریح فراہم کرنے میں اہم کردار ادا کیا ہے۔ریڈیو کے اس تعاون کو خراج تحسین پیش کرنے کے لیے ہر سال 13 فروری کوپوری دنیا میں ریڈیو کا عالمی دن منایا جاتا ہے۔
ریڈیو کا عالمی دن پہلی بار 2011 میں منایا گیا۔ سنہ 2010 میں اسپین کی ریڈیو اکیڈمی نے یونیسکو کو ریڈیو کا عالمی دن منانے کی تجویز پیش کی۔ جسے یونیسکو کے رکن ممالک نے 2011 میں قبول کیا تھا اور اس کے بعد سے 13 فروری کو ریڈیو کا عالمی دن منانے کا اعلان کیا گیا ہے۔13 فروری کی تاریخ کا انتخاب عالمی ریڈیو ڈے منانے کے لیےاس لیے کیا گیاکیونکہ اس دن 1946 میں اقوام متحدہ کا ریڈیو (یو این ریڈیو) قائم کیا گیا تھا۔ اس دن کی اہمیت کو سمجھتے ہوئے ریڈیو کا عالمی دن منانے کے لیے 13 فروری کی تاریخ کا انتخاب کیا گیا۔
