غزہ: اسرائیل جنگی جنون میں مبتلا، رات بھر غزہ کے رہائشیوں پر فضائی حملے کیے جاتے رہے۔اسرائیل تباہ کن جنگ میں زیادہ سے زیادہ شہریوں اور طبی عملے کو ہلاک کرنے کے درپے ہے، 48 گھنٹے میں 32 فلسطینی اسرائیلی حملوں میں شہید جبکہ 193 زخمی ہوئے۔
عرب میڈیا کے مطابق رفاہ پر اسرائیلی فورسزکے حملے سے متعدد فلسطینی شہید اور زخمی ہوئے، اسرائیلی حملوں میں 46 ہزار 537 فلسطینی شہید، 1 لاکھ 9 ہزار 571 زخمی ہوچکے۔
ڈرون حملوں کے جواب میں اسرائیل نے یمن میں بندرگاہوں اور فوجی تنصیبات پر بمباری کی، صیہونی فضائیہ کی دارالحکومت صنعا میں حوثیوں کے زیر کنٹرول علاقوں پر شدید بمباری کی گئی۔
عرب میڈیا کے مطابق بمباری کے نتیجےمیں کئی عمارتیں زمین بوس ہوگئیں، متعدد افراد شہید اور زخمی ہوگئے۔
