نیوٹیلس دنیا کی پہلی ایٹمی طاقت سے چلنے والی آبدوز تھی جس نے 1954 سے1980 تک امریکی بحریہ میں خدمات انجام دیں۔ نیوٹیلس کی تیاری اٹامک انرجی کمیشن کی نیول ری ایکٹرز برانچ میں سائنسدانوں اور انجینئروں کے ایک گروپ کی طرف سے کیپٹن ہیمن جی رک اوور، USN کی قیادت میں نیوکلیئر پروپلشن پلانٹ کی کامیاب ترقی سے ممکن ہوئی۔جولائی 1951 میں کانگریس نے دنیا کی پہلی ایٹمی طاقت سے چلنے والی آبدوز کی تعمیر کی اجازت دی۔ اسی سال 12 دسمبر کو بحریہ کے محکمے نے اعلان کیا کہ وہ بحری بیڑے کا چھٹا جہاز ہوگا جس کا نام NAUTILUS ہے۔
تقریباً 18 مہینوں کی تعمیر کے بعد21 جنوری 1954 کو امریکی خاتون اول میمی آئزن ہاور نے گرٹن میں جنرل ڈائنامکس شپ یارڈ کے الیکٹرک بوٹ ڈویژن میں شیمپین کی بوتل توڑ کر دنیا کی پہلی جوہری آبدوز کو لانچ کر دیا۔اسے دیکھنے کے لیے بیس ہزار لوگ جمع ہوئے۔ ٹھیک 10:57 پر اسے دریائے ٹیمز میں دھکیل دیا گیا ۔
باہر سے نوٹیلس دوسری جنگ عظیم کی آبدوز سے بالکل مختلف نظر نہیں آتی تھی لیکن اس کے اندر بہت زیادہ جگہ تھی کیونکہ ڈیزل سے چلنے والی پرانی آبدوزوں کے پاس 90,000 گیلن ڈیزل ایندھن لے جانے کے لیے ایندھن کے ٹینک ہوتے تھے جو بہت جگہ گھیرتے تھے۔پہلے آبدوزیں 48 گھنٹے تک نیچے رہتی تھیں اور پھر انہیں ایندھن بھرنے، بیٹریوں کو دوبارہ چارج کرنے یا ہوا میں لے جانے کے لیے سطح پر آنا پڑتا تھا لیکن ضرورت پڑنے پر جوہری توانائی سے چلنے والی یہ آبدوز برسوں تک زیر آب رہ سکتی ہے۔یہ700 فٹ تک غوطہ لگانے کے قابل تھیاور جوہری ایندھن سے چلنے والی پہلی آبدوز کے طور پر یہ دنیا کی تاریخ میں کسی بھی دوسری آبدوز سے زیادہ تیز اور دور تک سفر کر سکتی تھی۔1958 میں نوٹیلس نے اپنا سب سے بہادر تجربہ کیا – قطب شمالی کے نیچے سفر کرنے والی پہلی آبدوز بن گئی۔
25 سال پر محیط کیریئر اور تقریباً 500,000 میل کے سفر کے بعد، نوٹیلس کو 3 مارچ 1980 کو ریٹائر کر دیا گیا۔ 1982 میں ایک قومی تاریخی نشان کے طور پر نامزد کیا گیا،1983 میں، نوٹیلس کو سرکاری جہاز کا نام دیا گیاجبکہ 1986 میں گروٹن، کنیکٹی کٹ میں اسےسب میرین فورس لائبریری اور میوزیم کی زینت بنا دیا گیا۔
