معروف گلوکار ساحر علی بگا نے اپنے معذور مداح کی خواہش پوری کردی۔ ساحر علی بگا نے اپنے مداح شہریار کے ساتھ ملاقات کی اورملاقات کے دوران مداح کے لیے نیک خواہشات کا اظہار بھی کیا۔ گلوکار نے مداح سے کہا کہ سر آپ ہیرو ہیں، بس آپ جلدی سے اُٹھ کھڑے ہوں، آپ مجھ سے وعدہ کریں کہ جب آپ ٹھیک ہو جائیں گے تو میں گانا گاؤں گا اور آپ اس پر جھومیں گے۔
یہ ویڈیو سوشل میڈیا پر وائرل ہوگئی ہے اور اسے مداحوں کی جانب سے بہت پسند کیا جا رہا ہے۔ اس کے ساتھ ساتھ ان کے معذور مداح شہریار کی صحت یابی کے لیے دعائیں بھی کی جا رہی ہیں۔
