بالی ووڈ سپر اسٹار عامر خان کی سابق اہلیہ اور فلمساز کرن راؤ نے بھارت میں اسٹریمنگ مناظر کے بارے میں اپنے بےباک تجزیہ میں کہا کہ اسکا ایک سنہری دور ہوا کرتا تھا اور او ٹی ٹی (اوور دی ٹاپ) ایک ببل برسٹ تھا، تاہم انکا کہنا ہے کہ انہیں یقین نہیں کہ یہ اب کہا جائے گا۔
ایک حالیہ تقریب میں اس موضوع پر اظہار خیال کرتے ہوئے کرن راؤ نے اپنے حوالے سے بھی بات کی کہ کیا وہ او ٹی ٹی کےلیے سیریز کی سمت میں کام کر رہی ہیں۔
جمعہ کو اسکرین رائٹرز ایسوسی ایشن آف انڈیا کے زیر اہتمام انڈین اسکرین رائٹرز کانفرنس کے 7ویں ایڈیشن سے خطاب کرتے ہوئے 2023 کی فلم لاپتہ لیڈیز کی ہدایتکارہ نے کہا کہ اب تک او ٹی ٹی پر موجود مواد اور فلموں کے کونٹینٹ میں شاید ہی کوئی فرق ہو۔
انکا کہنا تھا کہ اب زیادہ سے زیادہ آپ اس قسم کی چیزیں دیکھتے ہیں جو بھارت میں او ٹی ٹی پر موجود نام نہاد بڑی چیزیں ہیں، جو فلموں میں دیکھی جانے والی چیزوں سے زیادہ مختلف نہیں ہیں۔
کرن رائو نے کہا، ’ایک نئی چیز لانے کے وعدے کی تکمیل نہیں ہوسکی اسکی وجہ میرے خیال میں یہ ہے کہ غیر حقیقی تصور (ببل برسٹ) اب ختم ہوچکا ہے۔‘
