اکثر لوگ سردیوں میں گرم دودھ اور گرمیوں میں ٹھنڈے دودھ سے لطف اندوز ہوتے ہیں مگر اب ماہرین نے خبردار کر دیا ہے۔کیلی فورنیا سے تعلق رکھنے والے معدے کے ماہر ڈاکٹر پلائی ایم مینکم نے بتایا ہے کہ تیس سال سے زائد عمر کے افراد میں آہستہ آہستہ لیکٹوز انزائم کی کمی شروع ہو جاتی ہے، جس کی وجہ سے ان کا جسم گرم دودھ ہضم کرنے سے قاصر رہتا ہے۔
دودھ میں پروٹین اور کیلشیم وافر مقدار میں پایا جاتا ہے جبکہ یہ وٹامن اے، بی ٹو اور بی 12 سے بھرپور ہوتا ہے، بیشتر افراد رات کو سونے سے پہلے گرم دودھ کا استعمال کرتے ہیں۔
عام طور پر یہ کہا جاتا ہے کہ سونے سے پہلے گرم دودھ پینے سے نیند اچھی آتی ہے، مگر کچھ افراد کو دودھ پینے کے فوری بعد کئی مسائل کا سامنا کرنا پڑ جاتا ہے، جس میں سب سے عام بدہضمی ہے۔
طبی ماہرین کے مطابق ایسا لیکٹوز انٹالرینس کی وجہ سے ہوتا ہے، لیکٹوز عمومی طور پر ڈیری مصنوعات میں پائی جاتی ہیں۔انہوں نے بتایا کہ لیکٹوز انزائم ہماری چھوٹی آنت میں پایا جاتا ہے جو دودھ میں موجود لیکٹوز کو چھوٹے چھوٹے مالیکیولز جیسے گلوکوز اور گلیگٹوزمیں توڑنے کا کام سرانجام دیتا ہے تاکہ یہ آسانی سے جذب ہو سکے۔
ڈاکٹر پلائی اپم نے مزید بتایا کہ تیس سال کے بعد ہماری چھوٹی آنت میں لیکٹوز انزائم کی پیداوار میں کمی شروع ہو جاتی ہے، لیکٹوز انزائم کے بغیر دودھ بڑی آنت میں چلا جاتا ہے اور اس میں موجود بیکٹیریا کو بدہضمی کا سامنا کرنا پڑتا ہے۔
ڈاکٹر پلائی اپم کا کہنا تھا کہ یہی نہیں سونے سے پہلے دودھ پینا آپ کی انسولین کی سطح کو بڑھا سکتا ہے کیونکہ دودھ میں موجود کاربوہائیڈریٹ باڈی کلاک کو ختم کرتا ہے۔
