اجزاء
1 چکن ایک کلو
2 بادام ایک پیالی
3 نمک حسب ذائقہ
4 ادرک لہسن پسا ہوا ایک کھانے کا چمچ
5 پیاز ایک عدد
6 ٹماٹر دو عدد
7 دہی ایک پیالی
8 لال مرچ پسی ہوئی ایک کھانے کا چمچ
9 پسا ہوا دھنیا ایک کھانے کا چمچ
10 ہلدی ایک چائے کا چمچ
11 سفید زیرہ ایک کھانے کا چمچ
12 گرم مصالحہ پسا ہوا ایک چائے کا چمچ
13 کوکنگ آئل آدھی پیالی
تیار کرنے کی ترکیب
1چکن کو صاف دھو کر رکھ لیں۔
2بادام کو تین سے چار منٹ اُبال کر ٹھنڈے پانی میں ڈالیں اور چھیل کر خشک کرنے رکھ دیں۔
3پیاز کو باریک کاٹ کر رکھ لیں۔
4پین میں کوکنگ آئل کو درمیانی آنچ پر گرم کرکے اس میں پیاز کو سنہرا فرائی کرکے نکالیں اور چورا کرکے رکھ لیں۔
5اسی کوکنگ آئل میں آٹھ سے دس باداموں کو سنہری فرائی کرکے رکھ لیں۔
6پھر اسی پین میں ادرک لہسن اور زیرہ ڈال کر ایک منٹ فرائی کریں۔
7اس میں لال مرچ‘ہلدی‘دھنیا ڈال کر ہلکا سا بھونیں۔
8نمک اور موٹے کٹے ہوئے ٹماٹر ڈال کر ہلکی آنچ پر ڈھک دیں،جب ٹماٹر گلنے پر آ جائے تو چکن ڈال کر اچھی طرح ملائیں اور ڈھک کر درمیانی آنچ پر پکنے رکھ دیں۔
9بادام اچھی طرح خشک ہو جائے تو گرائنڈر میں باریک پیس کر رکھ لیں اور دہی کو پھینٹ لیں۔
10بیس سے پچیس منٹ بعد چکن جب گلنے پر آ جائے تو اس میں پسے ہوئے بادام اور دہی ڈال کر ملائیں اور اسے ہلکی آنچ پر دم پر رکھ دیں۔
11ڈش میں نکال کر فرائی کئے ہوئے باداموں سے اس مزیدار ڈش کو سجائیں اور حسب پسند نان یا پراٹھوں کے ساتھ شروع کریں۔
