قومی ایئر لائنز (پی آئی اے) کی نئے گوادر انٹرنیشنل ایئرپورٹ سے پہلی بین الاقوامی پرواز مسقط کیلئے روانہ ہو گئی۔ترجمان کے مطابق پی آئی اے کا نیو گوادر انٹرنیشنل ایئرپورٹ سے بین الاقوامی پروازوں کا باضابطہ آغاز ہوگیا، پی آئی اے نے روایت برقرار رکھتے ہوئے نیو گوادر ایئرپورٹ سے بین الاقوامی افتتاحی پرواز پی کے 197 نے مسقط کیلئے اڑان بھری، پرواز 39 مسافروں کو لیکر روانہ ہوئی۔
اس موقع پر گوادر ایئر پورٹ پر پی آئی اے کے حکام نے مسافروں کو رخصت کیا، پی آئی اے ابتدائی طور پر مسقط کیلئے ہفتہ وار ایک پرواز آپریٹ کرے گی۔ترجمان کے مطابق پی آئی اے قومی امنگوں اور عوامی ضروریات کے تحت پورے ملک میں فضائی آپریشن فعال کرنے کیلئے متحرک ہے۔
