روم: کیتھولک عیسائیوں کے مذہبی پیشوا پوپ فرانسس کی صحت سے متعلق ویٹیکن نے بتایا ہے کہ ان کی حالت بدستور تشویشناک ہے۔خبر رساں اداروں کے مطابق 88 سالہ پوپ فرانسس کو ڈبل نمونیا کی تشخیص ہوئی تھی اور وہ 14 فروری سے اٹلی کے ہسپتال میں داخل ہیں۔
ویٹیکن کے بیان کے مطابق پوپ کی صحت مستحکم مگر بدستور تشویشناک ہے، پوپ فرانسس ڈبل نمونیا کے مرض میں مبتلا ہیں۔
بیان میں بتایا گیا ہے کہ پوپ فرانسس کو سانس لینے میں مزید کسی دشواری کا سامنا نہیں ہے، وہ مسلسل 12 ویں رات روم کے ہسپتال میں گزاریں گے۔
