ایک نئی تحقیق کے مطابق باقاعدگی سے اومیگا تھری اور وٹامن ڈی کے سپلیمنٹس لینے سے صحت کو مزید بہتر اور عمر بڑھنے کے عمل کو سست کیا جا سکتا ہے۔
جریدے نیچر میں شائع ہونے والی اس تحقیق میں محققین نے بتایا کہ 3 سال سے زائد عرصے تک یہ سپلیمنٹس لینے سے عمر میں 3 سے 4 ماہ کا اضافہ ہوتا ہے اور ورزش کے ساتھ مل کر یہ اور بھی زیادہ موثر ہوجاتا ہے۔
انہوں نے وضاحت کی کہ عمر بڑھنا سالماتی سطح پر ہوتا ہے۔ اس لیے اگر دو افراد ایک ہی عمر کے ہوں تو بھی ان کے جسم کی عمر ان کی مجموعی صحت کے لحاظ سے مختلف رفتار سے بڑھ سکتی ہے۔
اگرچہ عمر بڑھنے میں چند ماہ کا اضافہ معمولی لگ سکتا ہے۔ تاہم اس سے صحت عامہ کے کئی فوائد حاصل ہو سکتے ہیں، بشمول بعض عمر سے متعلقہ طبی حالات کی روک تھام بھی۔
محققین نے DO-HEALTH ٹرائل کے اعداد و شمار کا تجزیہ کیا جس میں 2012 اور 2014 کے درمیان پانچ یورپی ممالک میں بوڑھے بالغوں پر سپلیمنٹس اور ورزش کے اثرات کا جائزہ لیا گیا۔
