بھارت کی ایک اور پاکستان دشمنی سامنے آگئی، چیمپئنز ٹرافی میں بھارتی کھلاڑیوں کی جرسی پر میزبان ملک پاکستان کا نام نہیں ہوگا۔
بھارتی میڈیا کے مطابق بی سی سی آئی نے ٹیم کی جرسی پر پاکستان کا نام چھاپنے پراعتراض کیا ہے۔ بھارت نہیں چاہتا کہ کھلاڑیوں کی شرٹس پرپاکستان کا نام چھاپا جائے، پاکستان چیمپئنز ٹرافی کا میزبان ہوگا مگر بھارتی پلیئرز کی جرسی پرمیزبان ملک پاکستان کا نام نہیں ہوگا۔
قوانین کےمطابق آئی سی سی ٹورنامنٹ میں شریک ٹیموں کی شرٹس پرمیزبان ملک کا نام درج ہوتا ہے۔ چیمپئنز ٹرافی میں بھارت کےمیچز نیوٹرل وینیو دبئی میں ہوں گے،بھارت کے فائنل میں پہنچنے کی صورت میں ٹائٹل مقابلہ بھی دبئی میں ہوگا،میگا ایونٹ کا میزبان پاکستان ہے۔
