اسلام آباد:ترجمان دفتر خارجہ کے مطابق نائب وزیراعظم اسحاق ڈار کا مصر کے وزیر خارجہ ڈاکٹر بدر عبد العاطی سے ٹیلیفونک رابطہ ہوا۔
ترجمان دفتر خارجہ کے مطابق دونوں رہنماؤں نے خطے کی بدلتی ہوئی صورتحال پر تبادلہ خیال کیا اور امن و استحکام کے فروغ کیلئے مکالمے، تحمل اور مشترکہ کوششوں کی اہمیت پر زور دیا۔
دونوں رہنماؤں نے امن اور خوشحالی کیلئے جاری تمام کوششوں کی حمایت جاری رکھنے کے عزم کا اعادہ کیا، ٹیلی فونک گفتگو کے دوران دونوں رہنماؤں کا رابطے میں رہنے پر اتفاق کیا۔
